Errekonozimendua Erronkari, Bidankoze eta Igari lotzen dituen errepidea eraiki zuten presoei

Erronkariko Udalak 1939 eta 1941 bitartean Erronkari, Bidankoze eta Igari lotzen dituen errepidea eraiki zuten preso errepublikarrak omentzeko monolitoa inauguratuko du 2024. urtearen hasieran.
Peio Iraizozen eskultura herriko eskola zaharretako lorategietan jarriko da, eta denbora horretan frankismoko 1.000 esklabo inguru egon ziren bertan itxita.
Proiektuak Nafarroako Memoriaren Institutuaren dirulaguntza du, eta 2017an hasi zen, garai hartan ikastetxe gisa erabiltzen ziren eskola zaharren fatxadan kolektibo hori gogoratzeko plaka bat jarrita.
Gaur egun, eraikin honetako lorategiak ikastetxe berrira eta herriko hilerrira sartzeko oinezkoentzako pasealekuaren parte izatera pasa dira, eta, beraz, fatxadako plaka lekuz aldatzea eta monolito berria leku horretan jartzea erabaki da, herritarrentzat ikusgarriagoak eta irisgarriagoak izan daitezen.
Eskulturarekin batera, euskaraz, gaztelaniaz, katalanez, galizieraz eta asturieraz “Zuen oroimena, gure askatasunerako bide – Vuestra memoria, senda de nuestra libertad – La vostra memòria, senda de la nostra llibertat – A vosa memoria, senda da nosa liberdade- La vuesa memoria, sienda de la nuesa llibertá” esaldia dago.
Ekitaldia amaitzeko, Memoriaren Bideak elkarteak hitzaldia emango du Valleko Etxeko Batzar Aretoan, aipatu errepidea eraiki zuten frankismoaren esklaboei buruz.

LAGUNTZEN DU:
Nafarroako toki entitateentzako laguntzak, memoriaren, biktimen, giza eskubideen,
bakerako hezkuntzaren eta bizikidetzaren arloko jarduerak egiteko 2023